Bakının Xəzər sahilində anidən ortaya çıxan balına gerçəkdir yoxsa maketdir?

1xeber.media xəbər verir ki, COP29 başlayan ərəfədə Bakı bulvarında peyda olan balina paytaxt sakinləri ilə yanaşı ölkəmizə gələn turistlərin də diqqəti özünə cəlb edib. Balinanın olduğu əraziyə toplaşan insanlar heyrət içində mövcud mənzərəni izləyiblər. Eyni zamanda bir çox sosial şəbəkələr vasitəsilə canlı yayım açaraq müxtəlif mövqe sərgiləyiblər. 

Sual yaranır: Doğrudan da Bakının Xəzər sahilində anidən ortaya çıxan balına gerçəkdir yoxsa, maketdir. Hələ bununla bağlı konkret açıqlama yoxdur. Ancaq bir nüans maraqlıdır ki, əksər media qurumları yazdıqları xəbərlərdə görüntünün gerçək olmadığını yazır Qeyd olunur ki, burada əsas məqsəd maket formasında olan balına vasitəsilə dünyanın diqqətini sualtı canlıları qorumağa çəkməkdir. 

Onu da qeyd edək ki, dünyanın müxtəlif şəhərlərində balına maketləri sərgilənibdir. Hətta bununla bağlı video roliklər hazırlanaraq sosial şəbəkələrdə paylaşılıb 

O da ehtimal olunur ki, Bakıda Dənizkənarı bulvarda olan balina maketini nümayiş etdirməkdə məqsəd iqlim dəyişikliklərinə diqqəti cəlb etmək, balinaların qarşılaşdığı problemi qabartmaqdır. 

Onu da qeyd edək ki, balina maketinin nümayiş olunduğu şəhərlər arasında Paris, Sürix, Bordo və digərləri var.