ABŞ-də qasırğaya görə minlərlə uçuş ləğv edildi

“Milton” qasırğası səbəbindən ABŞ-yə minlərlə uçuş ləğv edilib və ya təxirə salınıb.

1xeber.az xəbər verir ki, bunu “FlightAware” portalının məlumatları sübut edir.

Belə ki, bu gün ABŞ daxilində, ABŞ-yə və ya ABŞ-dən 1916 reys ləğv edilib və 1282 reys təxirə salınıb. Ən çox ləğv (800 uçuş) Florida ştatının Orlando Beynəlxalq Hava Limanında baş verib. Tampa Beynəlxalq Hava Limanı və Mayami Beynəlxalq Hava Limanı ikinci və üçüncü yerdədir. Orada müvafiq olaraq 387 və 191 reys ləğv edilib.