Müdafiə naziri korrupsiyada ittiham olunur

Çin Xalq Azadlıq Ordusunun (AXO) rəhbərliyinə təsir edən korrupsiya qalmaqalı ilə bağlı Çinin müdafiə naziri Donq Juna qarşı istintaqa başlayıb.

 1xeber.media xəbər verir ki, bu barədə “Financial Times” (FT) mənbələrə istinadən yazır.

2023-cü ilin dekabrında bu vəzifəyə təyin edilən Dong Jun korrupsiya iddiası ilə araşdırılan ardıcıl üçüncü müdafiə naziridir. Qəzet ona qarşı hansı ittihamların irəli sürüldüyü barədə məlumat vermir.

Çin Müdafiə Nazirliyinin əvvəlki rəhbəri Li Şanfu təyinatından cəmi 7 ay sonra vəzifəsindən uzaqlaşdırılıb. Li Şanfunun sələfi Vey Fenqe də istintaq altındadır. 2023-cü ildə Çin lideri Xi Jinping Çinin nüvə qüvvələrinə komandanlıq edən iki yüksək rütbəli zabiti - raket qüvvələrinə rəhbərlik edən general Li Yuçao və onun müavini Liu Quanqbini də vəzifəsindən azad etdi.

Dong Jun sonuncu dəfə keçən həftə Çin dövlət mediasında Laosa səfəri ilə bağlı xatırlanıb və o, ABŞ-ın Tayvana qarşı hərəkətlərini əsas gətirərək Pentaqon rəhbəri Lloyd Austin ilə görüşdən imtina edib. Ostin qərarı uğursuz adlandırıb.