Braziliyada inək rekord miqdarda süd verdi - Üç gündə 343 litr...

Braziliyada bir inək üç gündə rekord miqdarda süd istehsal edib.

1xeber.media bu barədə "Oddity Central"a istinadən xəbər verir.

Delfim Moreira şəhərində Girolando cinsli inəyi üç gündə 343 litr süd istehsal edərək yeni milli rekorda imza atıb. Bir gündə heyvan 120 litr süd istehsal edib - bu, Ginnesin dünya rekorduna yaxın bir rəqəmdir.

Girolando braziliyalı cinsidir, yüksək süd məhsuldarlığı ilə tanınan Holşteyn və Gir inəklərinin çarpazlaşdırılması yolu ilə yetişdirilir. Orta hesabla 305 gündən çox laktasiya dövründə bu cins inəklər təxminən 3600 litr, bəzi fərdlər isə gündə 100 litrdən çox süd verir.

Gündəlik südvermə üzrə dünya rekordu 3 avqust 2019-cu ildə 127,6 litr süd verən inəyə məxsusdur. Südçülük yarışlarından əvvəl fermerlər heyvanlarını aylarla hazırlayır, pəhrizlərini yaxşılaşdırırlar.