Rusiya xarici işlər nazirinin müavini Türkiyə səfiri ilə görüşüb

Rusiya xarici işlər nazirinin müavini Mixail Qaluzin Türkiyənin Rusiyadakı səfiri Tanju Bilgiç ilə görüşüb.

1xeber.media xəbər verir ki, bu barədə Rusiya Xarici İşlər Nazirliyinin rəsmi saytında məlumat verilib.

“Avqustun 26-da Rusiya Federasiyası xarici işlər nazirinin müavini M.Yu.Qaluzin Türkiyə Respublikasının Rusiya Federasiyasındakı səfiri T.Bilgiçi onun xahişi ilə qəbul edib”, - nəşrdə deyilir.

Diplomatlar Ukraynadakı vəziyyəti və Rusiya ilə Türkiyə arasında əməkdaşlığın gələcək inkişafını müzakirə ediblər. Qaluzin Rusiya prezidenti Vladimir Putinlə Amerika lideri Donald Tramp arasında aparılan danışıqlara dair qiymətləndirməsini Bilgiçə çatdırıb. Bundan əlavə, xarici işlər nazirinin müavini Ukrayna və onun müttəfiqlərinin Rusiya və ABŞ başçılarının görüşündə əldə edilmiş razılaşmaları ləğv etmək cəhdlərinə diqqət çəkib.

Avqustun 20-də Putin Türkiyə prezidenti Rəcəb Tayyib Ərdoğanla telefon danışığı aparıb.