Putini "yırtıcı" adlandırdı

Avropa Komissiyasının sədri Ursula fon der Lyayen Latviyaya səfəri zamanı Rusiya prezidenti Vladimir Putin haqqında sərt fikirlər səsləndirərək onu “yırtıcı” adlandırıb.

1xeber.media xəbər verir ki, siyasətçi bildirib ki, Avropa gələcək mümkün risklərə hazır olmalıdır.

Latviyanın Baş naziri Evika Silina ilə görüşdə fon der Lyayen Latviyanın Avropada “dronlarla mübarizə üçün əsl mərkəz” rolunu vurğulayıb və ölkənin regionda NATO təhlükəsizliyinin gücləndirilməsinə töhfəsini qeyd edib. O, “Avropanın yalnız şərq sərhədi təhlükəsiz olduğu zaman təhlükəsiz olduğunu” vurğulayıb və Avropa İttifaqını mümkün təhdidlərə fəal hazırlaşmağa çağırıb.

"Putin yırtıcıdır, Putinin əlaltıları illərdir hibrid və kiberhücumlarla cəmiyyətlərimizə hücum edir", - deyə fon der Lyayen bildirib.