Dəməşqdə komendant saatı və böyük əfv elan edildi

Suriyanın paytaxtı Dəməşqdə yeni müxalif hökumət komendant saatı tətbiq edib.

Bu barədə Türkiyə mətbuatı məlumat yayıb.

Məlumata görə, qadağa yerli vaxtla 16.00-05.00 arasında tətbiq olunacaq.

Qeyd edilib ki, Dəməşqdə nəzarəti ələ keçirən və Əsəd rejimini devirən müxaliflər həbsxanalardakı məhbusları azad ediblər. Müxaliflər xaricdəki suriyalıları ölkələrinə qayıtmağa çağırıb.

Suriya Müvəqqəti Hökumətinin rəhbəri Əbdürrəhman Mustafa verdiyi açıqlamada ölkədə ümumi amnistiya qərarının elan edildiyini bildirib.