Gürcüstanın baş naziri vəzifəsindən gedən prezidenti həbs etdirəcək?

Prezident Zurabişvili Gürcüstanda keçirilən parlament və prezident seçkilərinin nəticələri ilə razılaşmayan müxalifəti dəstəkləyir. Onun səlahiyyətləri bir həftə ərzində başa çatacaq və iqamətgahı tərk etməsə, cinayət məsuliyyətinə cəlb oluna bilər.

1xeber.media xəbər verir ki,Gürcüstan prezidenti Salome Zurabişvili dekabrın 29-da səlahiyyətlərinə xitam verildikdən sonra dövlət başçısının iqamətgahını tərk etməsə, ona qarşı cinayət işi açıla bilər -deyə  baş nazir İrakli Kobaxidze bildirib.

“Mən əminəm ki, onun  Cinayət Məcəlləsinin normalarını pozmamaq üçün kifayət qədər müdrikliyi olacaq”, -deyə  o bildirib.

Kobaxidze qeyd edib ki, heç kim 72 yaşlı Zurabişvilini həbsxanaya göndərmək istəməyə bilər, lakin o, iqamətgahda qalmağı seçməklə, onunla birlikdə olacaqların həbsini təhlükə altına qoya bilər. O, ümid etdiyini bildirib ki, prezident ehtiyatlı olacaq və tərəfdaşlarına qanunları pozmağa imkan verməyəcək, buna görə onları "uzun müddətə həbs cəzası" gözləyir.