Budanov: Rusiya və Ukrayna sentyabrda görüşə bilər

1xeber.media xəbər verir ki, Ukrayna Prezident Ofisinin rəhbəri Kirill Budanov Rusiya və Ukrayna nümayəndə heyətlərinin sentyabr ayında görüşəcəyini açıqlayıb.

Budanov bildirib ki, Rusiya, Ukrayna və ABŞ arasında üçtərəfli danışıqlar hazırda fasilə vəziyyətindədir. Onun sözlərinə görə, danışıqlar prosesinin gələn ay yenidən canlandırılması planlaşdırılır.

Bununla yanaşı, Kremlin sözçüsü Dmitri Peskov növbəti danışıqlar raundunun keçirilməsi ilə bağlı konkret plan və tarixlər barədə hazırda məlumatı olmadığını deyib. O, Moskvanın Ukrayna məsələsi üzrə Vaşinqtonla işçi səviyyədə təmasları davam etdirdiyini bildirib.

MGIMO-nun diplomatiya kafedrasının dosenti Roman Raynhardt isə danışıqlar bərpa olunacağı təqdirdə əsas diqqətin texniki məsələlərin müzakirəsinə yönələcəyini qeyd edib.