Pakistanda məktəbin damı uçdu: 17 uşaq öldü

1xeber.media xəbər verir ki, Pakistanın şimal-qərbində yerləşən Peşəvər şəhərində özəl məktəbin damının uçması nəticəsində azı 17 uşaq həyatını itirib, 20 nəfər isə yaralanıb.

“Geo TV”nin məlumatına görə, hadisə şəhərin Dir Koloni ərazisində baş verib. Damın uçması məktəbdə faciəyə səbəb olub.
Hadisə yerinə xilasedicilər cəlb edilib. Dağıntılar altında qalanların olub-olmadığını müəyyənləşdirmək və zərərçəkənlərə yardım göstərmək məqsədilə axtarış-xilasetmə əməliyyatları davam etdirilir.

Hadisənin başvermə səbəbi və məktəbin damının uçmasına hansı amillərin səbəb olduğu barədə hələlik ətraflı məlumat verilməyib.