Son dəqiqə: Tağı Əhmədov vəfat etdi
1xeber.az xəbər verir ki, “Bakı Metropoliteni” QSC-nin sabiq rəisi, sağlıq durumu getdikcə pisləşən Tağı Əhmədov bu gün vəfat edib.
T.Əhmədov 6 ildən çoxdur səhhətindəki problemlərlə mübarizə aparırdı. O, qan təzyiqi, şəkər, kəskin ürək ağrılarından əziyyət çəkirdi. Sabiq rəisə ən çox əziyyət verən isə ayaqlarındakı ağrıların şiddətlənməsi olmuşdu
Eyni zamanda 3 ildən çoxdur T.Əhmədovun hərəkət imkanları məhdudlaşmışdı.
Bakıdakı klinikaların birinin daimi pasiyenti olan sabiq rəisin hərəkət imkanlarını itirəndən sonra yaxın ətrafı ilə əlaqəni kəsdiyi, dostları və keçmiş iş yoldaşları ilə telefon vasitəsilə əlaqə saxladığı bildirilirdi.
Və artıq Tağı Əhmədov həyatla vidalaşdı. Allah rəhmət eləsin! Yaxınlarına səbr diləyirik! Ruhu şad olsun!