“Azərişıq” ASC KOBİA-nın sahibkarla keçirdiyi görüşdə...

KOBİA-nın (Kiçik və Orta Biznesin İnkişafı Agentliyi) təşkilatçılığı ilə  Göyçayda “İstixana sahəsində mövcud imkanlar, çətinliklər və perspektivlər” mövzusunda sahibkarlarla görüş keçirilib.

1xeber.media xəbər verir ki, tədbirdə “Azəriqaz” İstehsalat Birliyi, Qida Təhlükəsizliyi Agentliyi, Kənd Təsərrüfatı Nazirliyi ilə birgə “Azərişıq” ASC-nin müvafiq qurumları xüsusi fəallığı ilə seçilib. 

“Azərişıq” ASC-nin ASAN xidmətlə iş departamentinin direktor müavini İnam Yusifov və Mərkəzi Aran RETSİ-nin (Regional Enerji Təchizatı və Satışı İdarəsi) rəisi Zaur Şirəliyev tədbirdə iştirak edən 40-a yaxın sahibkarla istixanalarda yaranan və ya yarana biləcək çətinlikləri müzakirə ediblər. Həlli mümkün olan bir çox problemlər yerindəcə həll edilib. Həmçinin müvafiq lazımi qeydlər aparılıb. 

Qeyd edək ki, fermer və sahibkarların rahat fəaliyyəti, yaranan problemlərin aradan qaldırılması məqsədilə “Azərişıq” ASC regionlarda sahibkarlarla mütəmadi olaraq görüşlər keçirir, mövcud problemlərin həll edilməsi üçün işlər aparır.