Suriyanın yeni hakimiyyət orqanları Rusiyadan Əsədin ekstradisiyasını istəyib

Suriyanın yeni hakimiyyət orqanları Rusiyadan ölkənin keçmiş prezidenti Bəşər Əsədin onlara təhvil verilməsini istəyib.

Bu barədə 1xeber.media mənbəyə istinadən məlumat verir.

Məqalədə deyilir: “Yeni lider Əhməd əl-Şaraa (Əbu Məhəmməd əl-Culani) Moskvadan dekabrda əl-Şaraa üsyançıları tərəfindən devrildikdən sonra Rusiyaya qaçan keçmiş Suriya prezidenti Bəşər Əsədin ekstradisiyasını tələb edib”.

Bundan əlavə, Suriyanın yeni hakimiyyəti Əsəd rejiminin devrilməsindən sonra Rusiya nümayəndə heyətinin ilk səfəri zamanı “etimadı bərpa etmək üçün” Rusiyadan təzminat istəyib.

Bundan əvvəl Kremlin sözçüsü Dmitri Peskov Suriyanın yeni hakimiyyət orqanlarının Rusiyaya təzminat və Əsədin ekstradisiyası ilə bağlı iddiaları ilə bağlı mətbuatda yayılan xəbərləri şərh etməkdən imtina edib.