"Veysəloğlu" şirkətinin rəsmiləri Medianın İnkişaf Agentliyi və Mətbuat Şurasında olublar

1xeber.media xəbər verir ki, Veysəloğlu Şirkətlər Qrupunun mətbuat xidmətinin rəhbəri Məhəmmədəli Qəribli və Korporativ Mədəniyyət Ofisinin rəhbəri Ziya Rəcəbovla birlikdə Medianın İnkişafı Agentliyi və Mətbuat Şurasını ziyarət ediblər.

Bu barədə Məhəmmədəli Qəribli özünün Facebook səhifəsində paylaşım edib:
"Sözügedən qurumların rəhbərləri: Əhməd İsmayılov və Rəşad Məcidlə ətraflı fikir mübadiləsi apardı".Qərara gəlindi ki, gələcəkdə “Veysəloğlu” ilə  qurumlar arasında birgə layihələrin icrası, mətbuatın yaranmasının 150 illik yubileyi ilə bağlı müştərək  yazı müsabiqəsinin keçirilməsi istiqamətində müzakirələr davam etdirilsin. 

Keçirilən görüşlərdə həmçinin biznes qurumları ilə media nümunələri arasındakı münasibətlərin mövcud vəziyyəti və perspektivləri ətrafında da ətraflı fikir mübadiləsi aparıldı.