Belarus müdafiə qabiliyyətini gücləndirməlidi - Lukaşenko

Belarus ölkənin müdafiə qabiliyyətini daim gücləndirməlidir.

1xeber.media  xəbər verir ki, bunu respublika prezidenti Aleksandr Lukaşenko deyib.

"Biz güclü olmalıyıq, ayıq olmalıyıq və dövlətin müdafiə qabiliyyətini mümkün qədər gücləndirməliyik", - Belarus lideri vurğulayıb.

Lukaşenko ölkə Silahlı Qüvvələrinin yüksək rütbəli zabitlərinə dövlət mükafatlarının və çiyin qayışlarının təqdim edilməsi mərasimində Belarusun potensialının gücləndirilməsinin zəruriliyindən danışıb. O vurğulayıb ki, Qərb dövlətləri mehriban qonşuluq kəməri əvəzinə respublikanın qərb sərhədlərində qeyri-sabitlik qövsü yaradırlar.

Daha əvvəl Belarus müdafiə nazirinin köməkçisi Valeri Revenko Rusiyanın “Oreşnik” raket sisteminin ölkədə yerləşdirilməsi üzrə işlərdən danışıb. Hərbçi qərarın icra olunacağına söz verib.