Putin Myanmanın baş naziri ilə görüşəcək

Rusiya prezidenti Vladimir Putin Rusiyaya rəsmi səfər edəcək Myanmanın baş naziri Min Aunq Hlainqlə danışıqlar aparacaq.

1xeber.media xəbər verir ki, bu barədə Kremlin mətbuat xidməti məlumat yayıb.

Liderlərin görüşü martın 4-nə planlaşdırılıb.

“Qarşılıqlı faydalı Rusiya-Myanma əməkdaşlığının gələcək inkişaf perspektivləri, eləcə də aktual beynəlxalq məsələlər müzakirə olunacaq”, - Kreml vurğulayıb.
Bildirilir ki, tərəflər danışıqlardan sonra Rusiya və Myanma arasında “birgə bəyanat” qəbul etməyi, hökumətlərarası və idarələrarası sənədləri imzalamağı planlaşdırırlar.