Ağ Ev Tramp və Zelenskinin ləğv edilmiş nahar menyusunu açıqlayıb

Ağ Ev ABŞ prezidenti Donald Tramp və Ukrayna prezidenti Vladimir Zelenski arasında mübahisədən sonra uğursuzluqla nəticələnən şam yeməyinin menyusunu açıqlayıb.

1xeber.media xəbər verir ki, bu barədə martın 1-də Ağ Evin aparat rəhbərinin müavini Den Skavino X sosial şəbəkəsində (keçmiş Twitter) məlumat verib.

Menyuya rozmarinlə bişmiş toyuq əti və pomidorlu yaz yaşıl salatının daxil olduğu bildirilir. Desertə krem-brule, müxtəlif giləmeyvə və sitrus peçenyeləri daxil olmalı idi.

Skavino deyib ki, Tramp şam yeməyindən imtina etməyib və boş yerlər olduğuna görə bir neçə komanda üzvünü masaya dəvət edib.