Tramp Rusiyaya qarşı sanksiyaları sərtləşdirəcək

Birləşmiş Ştatlar Ukraynadakı münaqişənin sülh yolu ilə həllinə nail olunana qədər Rusiyaya qarşı sanksiyaları artırmağı düşünür.

1xeber.media xəbər verir ki, bu barədə ABŞ prezidenti Donald Tramp martın 7-də Truth sosial şəbəkəsində məlumat verib.

“Mən Rusiyaya qarşı genişmiqyaslı sanksiyaların və tariflərin tətbiqi imkanlarını ciddi şəkildə nəzərdən keçirirəm”, o yazıb.

Trampın sözlərinə görə, məhdudiyyətlər Rusiya və Ukrayna yekun sülh razılaşmasına çatana qədər qüvvədə qalacaq. ABŞ prezidenti həmçinin ölkələri danışıqlar masasına oturmağa çağırıb.