Tramp su kimi pul paylayan Baydeni xatırladıb

ABŞ prezidenti Donald Tramp Ukraynaya əhəmiyyətli vəsait xərcləməyi dayandırmaq istədiyini, bunun zərurətini dövlət başçısı kimi sələfi Co Baydenin hərəkətləri ilə əlaqələndirdiyini bildirib.

1xeber.media xəbər verir ki, bu barədə cümə günü, RİA Novosti məlumat yayıb.

“Mən görmək istərdim ki, biz ABŞ-dan bu nəhəng ödənişləri dayandıra bilək, ya yox”, Tramp bildirib. O, “Bayden su kimi pul payladığını” xatırladıb və Avropadan fərqli olaraq amerikalıların yardım qarşılığında heç nə almadıqlarını vurğulayıb.

Kiyevdə onlar hesab edirlər ki, Ukraynada hərbi əməliyyatlar başlayandan bəri ABŞ hakimiyyəti ölkəyə ümumi məbləği 114 milyard dollar məbləğində maliyyə yardımı edib. Eyni zamanda, Tramp bununla bağlı müxtəlif vaxtlarda 350 milyard, hətta 500 milyard dollar xərcləməkdən danışıb.