Yeni baş nazirin ADI AÇIQLANDI

Mark Karni bazar günü Kanadanın hakim Liberal Partiyasının yeni lideri seçilərək ölkənin növbəti baş naziri olub.

Partiyadaxili səsvermənin nəticələrinə görə, o, partiya üzvlərinin 85,9%-nin səsini toplayıb.

Partiyanın qurultayında keçmiş maliyyə naziri və baş nazirin müavini Kristia Frilandın 8 faiz, İcmalar Palatasında hökumət lideri Karina Quld və liberal deputat Frank Baylis isə təxminən 3 faiz səs topladığı açıqlanıb. Qurultay milli televiziya kanallarında yayımlanıb.

Karni Baş nazir vəzifəsini icra edən hazırkı baş nazir Castin Trüdonun rəsmi istefasından sonra baş nazir vəzifəsini tutacaq və o, müvafiq tələbi general-qubernator Meri Saymona təqdim edəcək. Bunun yaxın günlərdə baş verəcəyi gözlənilir. Bundan sonra Saymon Karniyə nazirlər kabinetini formalaşdırmağı və onlara and içməyi tapşıracaq.

Növbəti parlament seçkiləri oktyabrın 20-nə təyin edilib, lakin Karni erkən səsverməni yazda təyin edə bilər. Bu, martın 24-də parlamentin işini bərpa etməsi ilə bağlıdır və burada yeni baş nazir etimad səsverməsi almalı olacaq. Müvəffəqiyyət şansları azdır: liberallar çoxluğa malik deyillər və onların Yeni Demokrat Partiyasındakı müttəfiqləri əlavə dəstəkdən imtina ediblər.

publika.az