Dodik də Trampla anlaşma istədi

Serb Respublikası prezidenti Milorad Dodik ABŞ prezidenti Donald Trampla nadir torpaq metalları müqaviləsində maraqlı olduğunu bildirib.

1xeber.media xəbər verir ki, O, bu barədə “The American Conservative” jurnalına müsahibəsində bildirib.

“Biz prezident Trampla nadir torpaq mineralları sazişini müzakirə etməyə hazırıq” dedi.

Prezidentin sözlərinə görə, Serb Respublikasının şərq regionunda litium, maqnezium və digər nadir torpaq minerallarının əhəmiyyətli yataqları var ki, onların kommersiya dəyəri, bəzi hesablamalara görə, 100 milyard dolları ötür.

Dodik qeyd edib ki, qurum indiyədək “heç bir ölkəyə və ya xarici şirkətə” istehsal hüququ verməyib və o, bu məsələni eksklüziv olaraq Amerika lideri ilə müzakirə etməyə hazırdır.

Daha əvvəl Kremlin sözçüsü Dmitri Peskov Rusiya və ABŞ arasında iqtisadi layihələrin geniş spektri sahəsində geniş qarşılıqlı fəaliyyət və əməkdaşlıq imkanının olduğunu bildirib. O, bunun nadir torpaq metallarına da aid olduğunu aydınlaşdırıb.