Qərb BMT-nin əsaslarını sarsıtmağa son qoymalıdır - Rusiya XİN

Qərb ölkələrinin Birləşmiş Millətlər Təşkilatının (BMT) prinsiplərini öz qaydaları ilə əvəz etmək cəhdlərini dayandırmaqdan başqa çarəsi yoxdur.

1xeber.media xəbər verir ki, bunu martın 27-də Rusiya Xarici İşlər Nazirliyinin Beynəlxalq Təşkilatlar Departamentinin direktoru Kirill Loqvinov anti-Hitler koalisiyasının üç dövləti başçılarının Yalta konfransının 80 illiyinə həsr olunmuş Beynəlxalq Elmi və Diplomatik Konqresində çıxışı zamanı deyib.

“Qərb azlığı BMT-nin əsaslarını sarsıtmaqdan əl çəkməkdən və bütün maraqlı oyunçularla bərabər dialoqa qayıtmaqdan başqa çarəsi olmadığını başa düşənə qədər, dünya təşkilatının nizamnaməsini qaydalara əsaslanan nizam adlanan qayda ilə əvəz etmək cəhdləri davam edəcək”, - diplomat bildirib.

Onun sözlərinə görə, Qərb dünyanın əksər ölkələrinin bərabər iştirakını təmin etmədən dünyaya öz qaydalarını tətbiq edir. Buna cavab olaraq Rusiya beynəlxalq hüququn və BMT-nin rolunun gücləndirilməsi istiqamətində səylərini davam etdirəcək.