ABŞ Konqresi Trampdan Rusiyaya qarşı yeni sanksiyalar tətbiq etməyi tələb edir

ABŞ Konqresi Amerika lideri Donald Trampa Rusiyaya qarşı yeni sanksiyalar tətbiq etməsi üçün təzyiq edir.

1xeber.media xəbər verir ki, bu barədə ABŞ-ın dövlət katibi Marko Rubio “Fox” telekanalının efirində bildirib.

“Biz faktiki olaraq sülhə doğru irəliləmədikcə dayandıra bilməyəcəyimiz sanksiyalar tətbiq etmək üçün artan təzyiqlər olacaq”, - deyə Dövlət Departamentinin rəhbəri əlavə edib ki, Konqres üzvləri artıq yeni anti-Rusiya sanksiyaları tətbiq etmək üçün qanun layihələri təqdim etməyə başlayıblar.

Bundan əvvəl politoloq Dmitri Matyuşenkov bəyan etmişdi ki, Tramp Moskva ilə dialoq imkanlarını saxlamağa çalışır – Ukrayna münaqişəsi üzrə çətin danışıqlar fonunda Amerika liderinin gömrük rüsumlarının artırılması şəklində əlavə fəsadlara ehtiyacı yoxdur.