Böyük Britaniyanın baş naziri Qərb qoşunlarının Ukraynaya yeridilməsi vaxtını açıqladı

Böyük Britaniyanın baş naziri Keir Starmer Qərbin “istəkli koalisiya” qüvvələrinin Ukraynaya mümkün yerləşdirilməsinin vaxtı və ya əməliyyatda iştirak edə biləcək qoşunların sayını açıqlamayıb.

1xeber.media xəbər verir ki,  bu barədə RİA Novosti məlumat yayıb.

Britaniya hökuməti başçısının sözlərinə görə, koalisiya ölkələri elə bir mərhələyə çatıb ki, yüksək rütbəli müdafiə rəsmiləri Ukrayna ərazisinə qoşunların mümkün yerləşdirilməsi ilə bağlı Ukrayna nümayəndələri ilə sıx əməkdaşlıq edirlər.

"Aydındır ki, indi bir çox variantlar nəzərdən keçirilir, çünki hələlik razılaşma yoxdur. Biz dəqiq nəyə ehtiyac olacağını bilmirik. Ona görə də sayı və vaxtı deyə bilmərəm".

Bundan əvvəl məlum olub ki, Böyük Britaniya və Fransa Ukraynada sülhməramlı missiyanın müxtəlif variantlarını nəzərdən keçirir. Qeyd olunur ki, London və Paris təkcə qüvvələrin yerləşdirilməsi haqqında deyil, həm də Ukrayna ordusunun potensialının yenilənməsi haqqında düşünür.