Bir neçə ölkə Qəzzadan olan qaçqınları qəbul etməyə hazırdır - Netanyahu

İsrailin baş naziri Benyamin Netanyahu Qəzza zolağından xeyli sayda köçkünü qəbul etməyə hazır olduğunu iddia etdiyi bir sıra ölkələrlə danışıqlar apardığını açıqlayıb.

1xeber.media xəbər verir ki, onun sözlərini baş nazirlik sitat gətirir.

"Hazırda əhəmiyyətli sayda qəzzalıları qəbul etməyə hazır olan bir sıra ölkələrlə danışıqlar aparılır. Bu vacibdir, çünki sonda belə olmalıdır", - Netanyahu bildirib.

İsrailin baş naziri Qəzzalıların başqa ölkələrə köçürülməsi ideyasının “ABŞ prezidenti Donald Trampın baxışının” bir hissəsi olduğunu vurğulayıb. Lakin o, hansı ölkələrlə danışıqlardan danışdığını dəqiqləşdirməyib.

Bundan əvvəl Netanyahu Qəzza zolağından İsraili atəşə tutan radikal Fələstinin Həmas qruplaşmasına sərt cavab verməyi əmr etmişdi.