Almaniyada partiyalar koalisiya ilə bağlı razılığa gələ bilməyib

Xristian Demokrat İttifaqı/Xristian Sosial Birlik (CDU/CSU) bloku ilə Almaniya Sosial Demokrat Partiyası (SPD) 13 saat davam edən danışıqlardan sonra koalisiya razılaşmasına nail ola bilməyib və danışıqları daha sonra davam etdirəcək.

1xeber.media xəbər verir ki, bu barədə “Bild” qəzeti mənbələrə istinadən məlumat yayıb.

"13 saatlıq marafon danışıqlarından sonra razılıq əldə olunmayıb. (...) İndi məqsəd çərşənbə günü günortaya kimi razılığa gəlməkdir", - nəşr yazır.

Bundan əvvəl NTV tərəflər arasında razılıq əldə olunduğunu bildirmişdi. Bununla belə, XDİ qərargahı danışıqların çərşənbə günü yerli vaxtla saat 9:30-da (Moskva vaxtı ilə 10:30) davam edəcəyini artıq təsdiqləyib.

Martın 25-də Almaniya kansleri Olaf Şolz və onun hökumət nazirləri prezident Frank-Valter Ştaynmayerdən istefa bildirişi alıblar. Lakin Almaniya qanunlarına görə, əvvəlki hökumət yeni hökumət formalaşana qədər öz vəzifələrini icra etməyə davam edəcək.