Bakıda ECO-UNIDO Təmiz Enerji Mərkəzi açılıb

Bakıda COP29 çərçivəsində bu gün ECO-UNIDO Təmiz Enerji Mərkəzinin açılışı olub.

1xeber.media  xəbər verir ki, mərasim energetika naziri Pərviz Şahbazovun iştirakı ilə baş tutub.

O, mərkəzin regionun enerji təhlükəsizliyinin gücləndirilməsinə, iqlim dəyişikliyi ilə mübarizəyə və Dayanıqlı İnkişaf Məqsədlərinə nail olunmasına töhfə verəcəyinə əminliyini ifadə edib.

"Bu təşəbbüs strateji əhəmiyyət daşıyır və Azərbaycanın tərəfdaşları ilə əməkdaşlığını daha da gücləndirəcək, bərpa olunan enerji mənbələri üzrə səylərimizi dəstəkləyəcək. Məqsədimiz dayanıqlı enerji və bərpa olunan enerji mənbələrini inkişaf etdirməkdir", - P.Şahbazov bildirib.

O vurğulayıb ki, Azərbaycan “yaşıl dəhliz”lərin yaradılması ilə bağlı layihələrin həyata keçirilməsi üçün Qazaxıstan, Özbəkistan və digər ölkələrlə fəal əməkdaşlıq edir: "Azərbaycan aşağı karbonlu iqtisadiyyatın inkişafı üzrə digər ölkələrlə əməkdaşlığa sadiqdir. Ümid edirik ki, bu mərkəz “yaşıl enerji” sahəsində təşəbbüslərimizi dəstəkləyəcək və əməkdaşlığımızı gücləndirəcək. Onun vasitəsilə regionda, o cümlədən iqlim dəyişikliyi üzrə tədqiqatlar aparılacaq".

Report