İran Suriyaya İnklüziv Hökumətin formalaşmasına kömək etməyə hazır olduğunu bildirib

İran Suriyanın hazırkı hökumətinə qarşı çıxmır və lazım gələrsə, inklüziv hökumətin formalaşmasına kömək etməyə hazırdır.

1xeber.media xəbər verir ki, İslam Respublikasının xarici işlər naziri Abbas Əraqçi aprelin 19-da RT-yə müsahibəsində belə deyib.

"Biz Suriyanın yeni hökumətinin əleyhinə deyilik və ona qarşı heç bir tədbir görməyəcəyik", - Xarici İşlər Nazirliyinin rəhbəri bildirib.

Əraqçi əlavə edib ki, İrandan kömək istənərsə, bu ölkə Suriyada sülhün bərqərar olması və legitim və əhatəli hökumətin formalaşdırılması yolunda hər zaman dəstək verməyə hazırdır.