Kosta Rikada Poas vulkanı püskürüb

Kosta Rikada San Xose şəhərinin şimalında Poas vulkanının püskürməsi nəticəsində kül dəniz səviyyəsindən 4 km yüksəkliyə qalxıb.

1xeber.media xəbər verir ki, bu barədə aprelin 21-də Kosta-Rikanın Vulkanoloji və Seysmoloji Rəsədxanasına (Ovsikori) istinadən "El Comercio" qəzeti məlumat verib.
“Poas vulkanının güclü püskürməsi, 21 aprel 2025-ci il, bazar ertəsi günortadan sonra baş verib. Kül kraterdən 4 km yüksəkliyə çatıb ki, bu da 2017-ci ildən bəri müşahidə olunmayan əhəmiyyətli yüksəklikdir”.

Vulkana bitişik ərazilərdə külün qeydə alınmadığı dəqiqləşdirilir. Üstəlik, püskürmə başlamazdan əvvəl bir dənə də olsun zəlzələ baş vermədi. Qəzetin yazdığına görə, püskürmə tam olaraq fəaliyyət göstərən Xuan Santamariya Beynəlxalq Hava Limanına da təsir etməyib.