Rusiya və İran yeni quru qaz dəhlizi yaradır

Moskva və Tehran iki ölkə arasında yeni quru qaz dəhlizləri ilə bağlı birgə layihələr yaratmağa davam edə bilər.

1xeber.media xəbər verir ki, bu barədə aprelin 24-də Rusiya hökumətinin Teleqram kanalında məlumat verilib.

“Tərəflər Rusiyadan İrana yeni quru qaz dəhlizlərinin yaradılması üzrə birgə layihələr üzərində işi davam etdirməyə hazır olduqlarını bildiriblər”, - bəyanatda deyilir.

Rusiya baş nazirinin müavini Aleksandr Novak ilə İranın neft naziri Möhsün Paknejad arasında görüş bu gün Rusiya-İran ticarət-iqtisadi əməkdaşlıq daimi komissiyasının 18-ci iclasından əvvəl baş tutub.