Husi lideri bir həftə ərzində İsrailə və ABŞ gəmilərinə 16 hücum təşkil etdiyini bildirdi

Yəmənin Ənsar Allah hərəkatından olan husilər bir həftə ərzində İsrailə, həmçinin Qırmızı və Ərəb dənizlərində ABŞ hərbi gəmilərinə qarşı 16 hücum təşkil edib.

1xeber.media xəbər verir ki, bu barədə aprelin 22-də Əl-Masirah telekanalı məlumat yayıb.

Nəşr Husilərin lideri Əbdülməlik əl-Husidən sitat gətirir: “Bu həftə qüvvələrimiz işğal altındakı Fələstində, o cümlədən Hayfada pilotsuz təyyarələr və ballistik raketlərdən istifadə edərək, düşmən üçün gözlənilməz oldu 7 əməliyyat həyata keçirib.

O, əlavə edib ki, husilər bir həftə ərzində ABŞ-ın təyyarə gəmilərinə və digər gəmilərinə 9 hücum həyata keçirib. Onlara 27 qanadlı raket və dron cəlb edilib.