Ukrayna Asiya bayrağı altında yük gəmisini ələ keçirib

Ukrayna Təhlükəsizlik Xidməti (SBU) Asiya ölkələrindən birinin bayrağı altında üzən gəmini guya Sevastopol limanına çağırdığı üçün ələ keçirib.

1xeber.media xəbər verir ki, bu barədə aprelin 25-də qurumun mətbuat xidməti məlumat yayıb.

"Quru yük gəmisinin saxlanılması SBU və Dövlət Sərhəd Xidmətinin keçirdiyi xüsusi əməliyyat nəticəsində baş verib", - SBU Telegram kanalında aydınlıq gətirilib.

“Gazeta.Ru”nun məlumatına görə, Ukrayna sərhədçiləri gəmidə axtarış aparıb, naviqasiya avadanlıqları və sənədləri ələ keçirib. SBU-nun məlumatına görə, 2024-cü ilin sonunda quru yük gəmisinin Sevastopol limanında buğda yüklədiyi iddia edilir.