Yarım ton ağırlığında Sovet planetlərarası "Kosmos-482" stansiyası Yerə düşəcək

Yaxın günlərdə Yerə təxminən yarım ton ağırlığında sovet planetlərarası kosmik gəmisi düşəcək.

1xeber.media xəbər verir ki, bu, 1972-ci ildə Veneraya buraxılan, lakin Yer orbitində qalan Kosmos-482 stansiyasının eniş moduludur. Onun planetimizin səthinə dəqiq nə vaxt düşəcəyi hələ məlum deyil, lakin bu, təxminən mayın birinci yarısına təsadüf edəcək. Üstəlik, ekspertlərdən birinin fikrincə, onun yaşayış məntəqələrinə çatma riski var.

Venera stansiyası 1972-ci il martın 31-də səhər tezdən Baykonur kosmodromundan buraxılıb. Bu, başqa bir stansiya üçün ehtiyat idi və hər ikisi Venera-8 proqramının bir hissəsi kimi buraxılıb. Hər iki cihaz avadanlıq və xüsusiyyətlərə görə tamamilə eyni idi.

Bu cür dublikat buraxılışlar planetlərarası kəşfiyyat zamanı müvəffəqiyyət ehtimalını artırmaq üçün tətbiq edilmişdir.

Onlar Soyuz ilə eyni ailədən olan Molniya-M raketlərindən istifadə edilməklə buraxılıb, lakin daha ağır maşınları daha yüksək orbitlərə çıxarmaq üçün bir pillə artırılıb.