Kadırov Putinlə görüşün nəticələrini açıqlayıb

Çeçenistan rəhbəri Ramzan Kadırov Rusiya prezidenti Vladimir Putinlə görüşünün nəticələrini özünün Telegram kanalında açıqlayıb.

1xeber.media xəbər verir ki, O, dövlət başçısı ilə mühüm məsələləri müzakirə etdiyini və dəstək aldığını bildirib.

Siyasətçi vurğulayıb ki, respublikanın son 25 ildə əldə etdiyi uğurlar yalnız regionun problemlərində şəxsən iştirak edən Rusiya liderinin hərtərəfli dəstəyi sayəsində mümkün olub.

“Biz bir sıra mühüm mövzuları protokoldan kənar müzakirə etdik və onların hər biri ilə bağlı mən tam anlayış və dəstək aldım”, - Kadırov bildirib. O, həmçinin çeçen xalqına göstərdiyi etimada və diqqətə görə Putinə təşəkkür edib.

Rusiya prezidenti də öz növbəsində bildirib ki, Çeçenistan rəhbəri regionun inkişafının nəticələri ilə fəxr edə bilər.