Rusiyada bir gündə 13 regionda 59 meşə yanğını söndürülüb

Son 24 saat ərzində meşə yanğınsöndürmə xidmətləri Rusiya Federasiyasının 13 regionunda 59 meşə yanğınını söndürüb.

1xeber.media xəbər verir ki, bu barədə mayın 24-də “Avialesoohrana” Federal Dövlət Büdcə İnstitutu məlumat yayıb.

"Son 24 saat ərzində Rusiyanın 13 regionunda 59 meşə yanğını söndürülüb. Hazırda 9 regionda 91 meşə yanğınının söndürülməsi istiqamətində iş aparılır", - təşkilatın Telegram kanalında deyilir.

Yanğınların söndürülməsinə 3812 nəfər, 646 texnika, 34 təyyarə cəlb olunub.