Belarus Aİ ölkələrindən kartof və soğanın idxalına qoyulan qadağanı aradan qaldırıb

Belarus dost olmayan ölkələrdən, o cümlədən Avropa İttifaqından (Aİ) respublikaya kartof, soğan, təzə ağ kələm və alma idxalına qoyulan qadağanı aradan qaldırıb.

1xeber.media xəbər verir ki, bu barədə mayın 27-də ölkə hökumətinin mətbuat xidməti məlumat yayıb.

“Hökumət dost olmayan ölkələrdən, o cümlədən Aİ-nin bütün üzv dövlətlərindən istehsal olunan kartof, soğan, təzə ağ kələm və almanın Belarus Respublikasına idxalına və satışına qoyulan qadağanı aradan qaldırıb”, - Nazirlər Kabinetinin Teleqram kanalında bildirilib.

Gazeta.Ru xəbər verir ki, mayın 27-də müvafiq qərarı Belarusun baş naziri Aleksandr Turçin imzaladığı bildirilir. Hökumətin qeyd etdiyi kimi, respublika öz fəaliyyəti ilə “açıqlıq, sülhpərvərlik, mehriban qonşuluq prinsipi” nümayiş etdirdi.