Bayramov pakistanlı həmkarı ilə Xankəndi görüşündən danışdı

Azərbaycan xarici işlər naziri Ceyhun Bayramov pakistanlı həmkarı Məhəmməd İshaq Darla Xankəndidə keçiriləcək İqtisadi Əməkdaşlıq Təşkilatının (ECO) 17-ci Zirvəsini müzakirə edib.

1xeber.media xəbər verir ki, bu barədə Pakistan Xarici İşlər Nazirliyi məlumat yayıb.

“Bu gün Baş nazirin müavini – xarici işlər naziri, senator Məhəmməd İshaq Dar Azərbaycan xarici işlər naziri Ceyhun Bayramovla telefon danışığı aparıb”, – məlumatda qeyd olunub.

Bildirilib ki, nazirlər 2025-ci ilin iyul ayının əvvəlində Azərbaycanda keçiriləcək İqtisadi Əməkdaşlıq Təşkilatının (ECO) Zirvəsinin təfərrüatlarını, iştirakçılarını və mexanizmlərini müzakirə ediblər.

Qeyd edək ki, ECO-nun 17-ci Zirvəsi 3-4 iyulda Xankəndidə keçiriləcək.