Olisov İsveçrənin Gürcüstandakı səfirliyində Rusiyanın maraqları şöbəsinin müdiri təyin edilib

Dmitri Olisov İsveçrənin Gürcüstandakı səfirliyində Rusiya Federasiyasının maraqları şöbəsinin yeni rəhbəri təyin edilib.

1xeber.media xəbər verir ki, bu barədə iyunun 2-də Rusiya Xarici İşlər Nazirliyinin mətbuat xidməti məlumat yayıb.

"Dmitri Aleksandroviç Olisov İsveçrə Konfederasiyasının Gürcüstandakı səfirliyində Rusiya Federasiyasının maraqları şöbəsinin müdiri təyin edilib", - Xarici İşlər Nazirliyinin saytında deyilir.

Olisovun 2002-ci ildə Rusiya Xarici İşlər Nazirliyinin MDBMİ-ni bitirdiyi bildirilir. O, üç xarici dil bilir və 1-ci dərəcəli məsləhətçi diplomatik rütbəsinə malikdir.