Rusiya və Ukrayna liderlərinin görüşü İstanbulda baş tuta bilər

Rusiya və Ukrayna liderləri Vladimir Putin və Vladimir Zelenski arasında İstanbulda görüş keçirilə bilər, bunu istisna etmək olmaz.

1xeber.media xəbər verir ki, dövlət başçıları arasında dialoq baş tuta bilər.

"Prinsipcə, gələcəkdə liderlərin Ankarada deyil, İstanbulda oxşar görüşünün keçiriləcəyi istisna oluna bilməz. Bu yer, ümumiyyətlə, "müqəddəsdir", o qədər ki, artıq burada çoxlu danışıqlar aparılıb", - agentliyin mənbəsi bildirib.

O qeyd edib ki, dövlət başçıları arasında mümkün danışıqlar barədə nəticə çıxarmaq hələ tezdir.

İyunun 2-də İstanbulda keçirilən danışıqlarda Rusiya Federasiyasının Ukrayna tərəfinə münaqişənin həlli ilə bağlı memorandumu təhvil verdiyi daha əvvəl bildirilmişdi. Rusiya nümayəndə heyətinin rəhbəri Vladimir Medinskinin sözlərinə görə, sənəd iki hissədən ibarətdir. Birincisi uzunmüddətli sülhə nail olmaq üçün atılan addımlara, ikincisi isə tam hüquqlu atəşkəsə nail olmaq yollarına aiddir.