Zelenski Rusiyanın müvəqqəti atəşkəs təklifini rədd edib

Ukrayna prezidenti Vladimir Zelenski İstanbulda keçirilən danışıqların ikinci raundunda müvəqqəti atəşkəslə bağlı Rusiyanın təklifini rədd edib.

1xeber.media xəbər verir ki, bu barədə Strana.ua Telegram-da məlumat yayıb.

Zelenski hərbçilərin cəsədlərinin toplanması üçün cəbhənin müəyyən ərazilərində müvəqqəti atəşkəs ideyasını şərh edib və Rusiya nümayəndə heyətinə cavab olaraq sərt danışıb. Onun sözlərinə görə, Kiyev hələ də qeyd-şərtsiz atəşkəsdə israr edir.

“Ona görə də mən çox istəyirəm ki, bizim amerikalı tərəfdaşlarımız Senata sanksiyalar paketi göndərsinlər”, - deyə siyasətçi əlavə edib.

Bundan əvvəl İstanbuldakı danışıqlardan sonra Zelenskinin ofisinin rəhbəri Andrey Yermak Rusiyaya qarşı yeni sanksiyaların tətbiqinə çağırıb, çünki guya Moskva sülhə nail olmaq istəmir.