Avropa Komissiyası Rusiya qazından imtinaya görə Aİ ölkələrinə təzminat təklif etməyib

Avropa Komissiyası (AK) Rusiya qazından tədricən imtina edən Aİ ölkələrinə təzminat ödəmək niyyətində deyil.

1xeber.media xəbər verir ki, bu barədə iyunun 16-da Aİ-nin energetika nazirlərinin Lüksemburqda keçirilən görüşünün yekunları üzrə mətbuat konfransında Avropanın enerji məsələləri üzrə komissarı Dan Yorgensen məlumat verib və bu barədə səs yazısı AK-nin saytında dərc olunub.

"Xeyr, biz kompensasiya təklif etmirik. Artıq bir çox ölkələr Rusiyadan enerji resurslarının idxalını dayandırıblar, bunun üçün yüksək qiymət ödəyiblər, bu, onlar üçün çox çətin olub", - Yorgensen bildirib.

Onun sözlərinə görə, Rusiya Federasiyasından tədarükün məhdudlaşdırılması tədbirləri uzunmüddətli olmalı və hətta Ukraynada münaqişə bitdikdən sonra da qüvvədə qalmalıdır.