Tramp Putinlə dünənki söhbətdən danışıb

ABŞ prezidenti Donald Tramp bildirib ki, dünən, iyunun 17-də Rusiya lideri Vladimir Putinlə danışıb və o, Ağ Ev rəhbərinə Yaxın Şərqdə vasitəçi olmağı təklif edib.

1xeber.media xəbər verir ki, bu barədə Reuters məlumat yayıb.

"Mən dünən onunla danışdım və dedim - yeri gəlmişkən, o, vasitəçi kimi kömək etməyi təklif etdi. Mən ona dedim: mənə bir yaxşılıq et - özün üçün vasitəçi ol", - siyasətçi deyib.

Onun sözlərinə görə, o, Putinə “əvvəlcə Rusiya ilə məşğul olmağı”, sonra isə Yaxın Şərqlə məşğul olmağı təklif edib. Tramp “orada da hər şeyin nəticə verəcəyinə” əmin olduğunu bildirib.

Bundan əvvəl Amerika lideri Ukrayna ilə bağlı əldə olunan razılaşmalara nail olmaq ümidi ilə Rusiyaya qarşı sanksiyaları sərtləşdirmək istəmədiyini bildirib. O xatırladıb ki, Qərbin Rusiyaya qarşı sanksiyaları ABŞ-a milyardlarla dollara başa gəlib.