Rusiya vətəndaşları Ukraynanı tərk edirlər

Rusiya prezidentinin mətbuat katibi Dmitri Peskov bildirib ki, ölkə hakimiyyəti rusların vətənlərinə qayıtması üçün bütün mümkün tədbirləri görür.
Kreml nümayəndəsi Kursk vilayətinin 46 sakininin Ukraynadan qayıtmasına münasibət bildirib.

Onun sözlərinə görə, bu, çox çətin danışıqların nəticəsidir."Bütün vətəndaşlarımızın öz vətənlərinə qayıtması üçün mümkün olan hər şey edilir", - Peskov bildirib.

Bundan əvvəl Kursk vilayətinin rəhbəri Aleksey Smirnov bildirmişdi ki, Ukraynadan qayıdan bölgə sakinləri müvəqqəti saxlama təcridxanalarındadır.