Tramp administrasiyası Ukraynaya silah satışını müzakirə edəcək

ABŞ prezidenti Donald Trampın administrasiyası Ukraynaya silah tədarükünü, o cümlədən Patriot hava hücumundan müdafiə sistemləri üçün raketləri müzakirə edəcək.

1xeber.media xəbər verir ki, bu barədə mənbəyə istinadən CNN məlumat yayıb.

“Prezident Donald Trampın milli təhlükəsizlik komandasının üzvləri çərşənbə axşamı Ukraynaya “Patriot” raketləri də daxil olmaqla silah tədarükünün təfərrüatlarını müzakirə etməyi planlaşdırır”, – nəşr iddia edir.

Telekanalın məlumatına görə, müzakirə Trampın Kiyevi Patriot ələ keçirən raketlərlə təmin edəcəyinə söz verdikdən sonra təşkil olunub. Məqalədə Ukraynanın ağır zərbələrə məruz qaldığı üçün “daha ​​çox silah göndərməli olacaq” deyən Amerika liderinin sözlərinə istinad edilir.

Bundan əvvəl məlum olub ki, Tramp Ukrayna prezidenti Vladimir Zelenskiyə dərhal 10 Patriot ələ keçirən raket göndərəcəyini, həmçinin əlavə təchizat kanallarının tapılmasına kömək edəcəyini vəd edib.