Tramp və Netanyahu Qəzzada atəşkəs imkanlarını müzakirə edəcəklər

1xeber.media xəbər verir ki, İsrailin baş naziri Benyamin Netanyahu Vaşinqtona səfəri zamanı ABŞ prezidenti Donald Trampla atəşkəsin təmin edilməsi və Qəzza zolağında girovların azad edilməsi məsələsini müzakirə edəcək.

Tramp çərşənbə axşamı Nazirlər Kabinetinin iclasında qarşıdan gələn görüşün mövzusunu təsdiqləyib.

"Biz demək olar ki, yalnız Qəzza haqqında danışacağıq" dedi Amerika prezidenti.

"Biz bunu həll etməliyik. Qəzza faciədir. Netanyahu bunu həll etmək istəyir, mən də həll etmək istəyirəm və düşünürəm ki, qarşı tərəf də edir", - Tramp əlavə edib.

Netanyahu isə jurnalistlərlə söhbətində öz növbəsində Trampla Qəzzada atəşkəsin təmin olunmasını müzakirə edəcəyini bildirib.

"Hər iki tərəf razılaşmalıdır. Ümid edirəm ki, biz finişə çatacağıq. Bu barədə ictimaiyyətə nə qədər az desəm, bir o qədər yaxşıdır", - İsrailin baş naziri deyib.

İsrailin “The Times of Israel” qəzeti Netanyahunun ofisinə istinadən yazır ki, görüş saat 16:30-da Ağ Evdə baş tutacaq. Vaşinqton vaxtı ilə.

Bundan əvvəl “The New York Times” məlumatlı mənbələrə istinadən yazıb ki, ABŞ-ın Qəzza zolağında atəşkəslə bağlı yeni təklifinə əsasən, israilli Həmas girovları 60 gün ərzində mərhələlərlə azad edilməlidir.

Mənbələrin bildirdiyinə görə, razılaşma sağ qalan 10 girovun azad edilməsini və Fələstinli məhbusların müqabilində HƏMAS-ın Qəzza zolağında hələ də saxladığı 18 cəsədin qaytarılmasını nəzərdə tutur.

7 oktyabr 2023-cü ildə Həmas İsrailə hücum etdi. Hücum nəticəsində 1200-dən çox insan həlak olub, daha 240 nəfər girov götürülüb. Buna cavab olaraq İsrail ordusu Qəzza zolağında HƏMAS-a qarşı hərbi əməliyyata başlayıb. O vaxtdan bəri Fələstin səhiyyə orqanlarının məlumatına görə, Qəzza zolağında ölənlərin sayı 53 min nəfəri keçib. Amma Qəzza Səhiyyə Nazirliyi bu statistikada mülki şəxslərlə silahlı qruplaşmaların üzvləri arasında fərq qoymur.