ABŞ Rusiyaya yeni səfir təyin etmək üçün Rusiyadan razılaşma tələb etməyib

Amerikalı nümayəndələr hələ ki, Rusiyadakı yeni səfirlə bağlı razılaşma tələb etməyiblər.

1xeber.media xəbər verir ki, bu barədə Rusiya Xarici İşlər Nazirliyinin rəhbərinin müavini Sergey Ryabkov məlumat verib.

“ABŞ razılaşma tələb etməyib, bu məsələ ilə bağlı hələ də aydınlıq yoxdur”, - diplomat bildirib.

Ryabkov həmçinin vurğulayıb ki, Rusiya tərəfi ABŞ-da yerləşən diplomatik əmlakın qaytarılması məsələsində Vaşinqtona “təzyiq” edəcək. Onun sözlərinə görə, bu məsələ ilə bağlı Amerika tərəfdən “kafi və konstruktiv cavab” yoxdur.

Daha əvvəl Ryabkov bildirib ki, ABŞ-da “sanksiya səyləri” müşahidə olunur, lakin Rusiya üçün yeni sanksiyalar təhdidləri adi hala çevrilib. XİN rəhbərinin müavini əlavə edib ki, ABŞ-ın hazırkı hakimiyyətinin siyasəti ziddiyyətlidir, lakin Moskva ölkələr arasında münasibətləri normallaşdırmaq istəyir.