"WhatsApp" Rusiyada BAĞLANIR

"WhatsApp" Rusiya bazarını tərk etməyə hazırlaşmalıdır.

1xeber.media  xəbər verir ki, bunu Rusiya parlamentinin informasiya texnologiyaları komitəsini sədrinin müavini Anton Qorelkin deyib.

O bildirib ki, Meta şirkəti Rusiyada ekstremist təşkilat kimi tanınıb.

Meta hələlik məsələyə münasibət bildirməyib.

Qeyd edək ki, şirkətin "Facebook" və "Instagram" sosial media platformaları 2022-ci ildən bəri Rusiyada qadağan olunub.