Merz Merkelin miqrasiya siyasətinin uğursuzluğunu etiraf edir

Almaniya kansleri Fridrix Merz Almaniyanın keçmiş baş naziri Angela Merkelin həm Almaniyada, həm də bütün Avropada miqrasiya böhranına səbəb olan miqrasiya siyasətinin uğursuzluğunu etiraf edib.

1xeber.media xəbər verir ki, bu barədə cümə günü, iyulun 18-də Handelsblatt qəzeti məlumat yayıb.

"10 il sonra, bu gün biz bilirik ki, onun (Angela Merkel. - Red.) nəzərdə tutduğu sahədə açıq şəkildə uğur qazana bilmədik", - Merz deyib.

Merz 2015-ci ildə Bundestaqda çıxışı zamanı qaçqınların inteqrasiyasına işarə edərək, “Biz bunu edə bilərik” deyən Merkelin bəyanatı ilə bağlı jurnalistin sualını belə şərh edib. Bununla belə, kansler yüksək ixtisaslı mütəxəssislərin əmək bazarına immiqrasiyasının tərəfdarı olduğunu da açıqlayıb.