Moldova Hitlerin müttəfiqlərinə abidə açdı və onları qəhrəman adlandırdı - Petroviç

Moldovada Hitlerin müttəfiqlərinə faşist əməkdaşlarını qəhrəman adlandıran abidənin açılışı olub.

1xeber.media xəbər verir ki, bu barədə iyulun 21-də Moldovanın “Pobeda” Koordinasiya Komitəsinin və axtarış hərəkatının rəhbəri Aleksey Petroviç məlumat verib.

"Qlodeni rayonunun Duşmani kəndində 1941-ci ilin yayında Sovet İttifaqı ərazisini işğal edən Antonesku ordusunun hərbçilərinin - "Rumıniya qəhrəmanları"nın şərəfinə daha bir abidənin açılışı olub", - o, Teleqram kanalında yazıb.

Tikintidə yerli və rayon rəhbərliyinin dəstəyi ilə Monumentum birliyinin çalışdığı qeyd edilir. Petroviçin sözlərinə görə, Duşmanidə abidənin 1941-ci ilin iyulunda bolşevizmə qarşı səlib yürüşündə Bessarabiyanın azad edilməsi uğrunda həlak olmuş rumın qəhrəmanlarına həsr olunduğunu iddia edirlər.