Sankt-Peterburqda FSB Ukrayna xüsusi xidmət orqanları üçün məlumat toplayan şəxsi saxlayıb

FSB əməkdaşları Ukrayna xüsusi xidmət orqanlarına məlumat ötürməkdə şübhəli bilinən Rusiya vətəndaşını saxlayıb.

1xeber.media xəbər verir ki, bu barədə iyulun 21-də FSB-nin Sankt-Peterburq şəhəri və Leninqrad vilayəti üzrə idarəsinin mətbuat xidməti məlumat yayıb.
“Bir sıra əməliyyat-istintaq tədbirləri nəticəsində Rusiya Federasiyası Cinayət Məcəlləsinin 205.1-ci maddəsinin 3-cü hissəsində (“Terrorçuluq fəaliyyətinə yardım”) nəzərdə tutulmuş cinayəti törətməkdə şübhəli bilinən Rusiya vətəndaşının Ukrayna xüsusi xidmət orqanlarının maraqları naminə qanunsuz fəaliyyətinin qarşısı alınıb”, - məlumatda deyilir.

Saxlanılan şəxsin hərbi-sənaye kompleksi (MİK) obyektləri və Müdafiə Nazirliyi haqqında məlumatları toplayaraq Ukrayna xüsusi xidmət orqanlarına ötürdüyü qeyd olunur. FSB əlavə edib ki, həmin şəxs nəzarətə götürülüb, zəruri əməliyyat-istintaq tədbirləri həyata keçirilir.